വിജയ്ക്ക് അഭിനന്ദനമറിയിച്ചു താരങ്ങൾ

തമിഴ്‌നാട് തിരഞ്ഞെടുപ്പിൽ തമിഴക വെട്രി കഴകം തകർപ്പൻ വിജയം നേടിയതോടെ ദളപതി വിജയിയുടെ രാഷ്ട്രീയ അരങ്ങേറ്റം വൻ വിജയമായി മാറി. കോളിവുഡിൽ നിന്ന് രജനീകാന്ത് മുതൽ കമൽഹാസൻ വരെയുള്ള പ്രമുഖ താരങ്ങൾ വിജയിയുടെ ഉജ്ജ്വലമായ വിജയത്തെയും ജനങ്ങളുടെ വിധിയെയും പ്രശംസിച്ചുകൊണ്ട് സോഷ്യൽ മീഡിയയിൽ അഭിനന്ദന സന്ദേശങ്ങൾ കൈമാറി. ഡിഎംകെയെയും എഐഎഡിഎംകെയെയും പരാജയപ്പെടുത്തി ദളപതി തമിഴ്നാട്ടിൽ അധികാരത്തിലെത്തി. വിജയത്തിൽ നടന് ഹൃദയംഗമമായ അഭിനന്ദന കുറിപ്പ് രജനീകാന്ത് എഴുതി.തമിഴ്നാട് നിയമസഭാ തെരഞ്ഞെടുപ്പിൽ നേടിയ മികച്ച വിജയത്തിന് വിജയിച്ച തമിഴക വെട്രി കഴകത്തിന്റെ പ്രസിഡന്റ് തിരു വിജയ്ക്കും അദ്ദേഹത്തിന്റെ പാർട്ടി അംഗങ്ങൾക്കും എന്റെ അഭിനന്ദനങ്ങൾ എന്ന് രജനീകാന്ത് ട്വീറ്റ് ചെയ്തു.

രജനീകാന്ത് മാത്രമല്ല, മറ്റ് നിരവധി നടന്മാരും വിജയ്ക്ക് അഭിനന്ദനങ്ങൾ അറിയിച്ചു. ആദ്യ തിരഞ്ഞെടുപ്പിൽ തന്നെ മത്സരിച്ച് തമിഴ്‌നാട് ജനങ്ങളുടെ വലിയ പിന്തുണയും സ്നേഹവും നേടി സർക്കാർ രൂപീകരിക്കാൻ ഒരുങ്ങുന്ന മിസ്റ്റർ വിജയ് സാറിനും തമിഴ്‌നാട് വിജയ കഴകത്തിനും എന്റെ ഹൃദയംഗമമായ അഭിനന്ദനങ്ങളെന്നു ധനുഷ് സന്തോഷം പങ്കുവെച്ചു. ഈ ശ്രദ്ധേയമായ വിജയത്തിന് വിജയിന് ഹൃദയം നിറഞ്ഞ അഭിനന്ദനങ്ങൾ. സംസ്ഥാനത്തെ നയിക്കാൻ നിങ്ങൾ മുന്നോട്ട് വരുമ്പോൾ നിങ്ങൾക്ക് ശക്തിയും ദീർഘവീക്ഷണവും നേരുന്നുവെന്ന് മമ്മൂട്ടി വിജയാശംസകൾ നേർന്നു.