സമൂഹ മാധ്യമങ്ങൾക്കുള്ള നിയന്ത്രണം കടുപ്പിച്ച് കേന്ദ്ര സര്ക്കാര്
The central government has tightened controls on social media
സമൂഹ മാധ്യമങ്ങൾക്കുള്ള നിയന്ത്രണം കടുപ്പിച്ച് കേന്ദ്ര സര്ക്കാര്. അഞ്ച് മാസത്തിനിടെ ഫേസ്ബുക്ക്, ഇന്സ്റ്റഗ്രാം, യൂട്യൂബ് പ്ലാറ്റ്ഫോമുകള്ക്ക് നല്കിയത് 1.95 ലക്ഷം ബ്ലോക്കിംഗ് ഓര്ഡറുകളാണ്. ഓരോ മിനിറ്റിലും ഓരോ അക്കൗണ്ടോ പോസ്റ്റോ നീക്കം ചെയ്യാനാണ് കേന്ദ്രത്തിന്റെ നിര്ദേശം.
ഏറ്റവും കൂടുതല് നോട്ടീസ് ലഭിച്ചത് ഇന്സ്റ്റഗ്രാമിനാണ്. ഏകദേശം ഒരു ലക്ഷത്തോളം നോട്ടീസുകളാണ് ലഭിച്ചത്. ഫേസ്ബുക്കിന് 80,000വും യൂട്യൂബിന് 15,000വും ഓര്ഡറുകള് ലഭിച്ചു. മാര്ച്ച് മുതല് ജൂലൈ മാസം വരെയുള്ള കണക്കുകളാണിത്. 2024 ഒക്ടോബര് മുതല് 2025 ഒക്ടോബര് വരെ 19 ഓണ്ലൈന് പ്ലാറ്റ്ഫോമുകള്ക്കായി 2312 ബ്ലോക്കിംഗ് ഓര്ഡറുകള് മാത്രമാണ് നല്കിയതെന്നിരിക്കെയാണ് നിലവിലെ കൂട്ടവിലക്ക്. ലഭിച്ച ഉത്തരവുകളില് പത്തില് ഒമ്പതെണ്ണം വീതം മെറ്റയുടെ ഉടമസ്ഥതയിലുള്ള ഫേസ്ബുക്കിനും ഇന്സ്റ്റാഗ്രാമിനുമാണ് ലഭിച്ചത്.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
