ജിയോ പ്ലാറ്റ്‌ഫോംസ് ഐപിഒയ്ക്കായി ആഭ്യന്തര, ആഗോള വിപണികളിൽ നിന്ന് വലിയ താൽപര്യമുണ്ടാകുമെന്ന് റിലയൻസ് ജിയോ ചെയർമാൻ ആകാശ് അംബാനി

ജിയോ പ്ലാറ്റ്‌ഫോംസ് ഐപിഒയ്ക്കായി ആഭ്യന്തര, ആഗോള വിപണികളിൽ നിന്ന് വലിയ താൽപര്യമുണ്ടാകുമെന്ന് റിലയൻസ് ജിയോ ചെയർമാൻ ആകാശ് അംബാനി. ഐപിഒയ്ക്കായി കഠിനമായി പരിശ്രമിച്ചുവരികയാണെന്നും, ജിയോയുടെ ഐപിഒ ഇന്ത്യൻ ചരിത്രത്തിലെ ഏറ്റവും വലിയ ഐപിഒ ആയിരിക്കുമോ എന്ന ചോദ്യത്തിന് "പ്രതീക്ഷയോടെയാണ് നോക്കിക്കാണുന്നത്" എന്നും അദ്ദേഹം പറഞ്ഞു.  ഇത് റിലയൻസ് ഇൻഡസ്ട്രീസിന് മാത്രമല്ല, മറ്റ് ടെലികോം കമ്പനിയായ ഭാരതി എയർടെലിനും വലിയ നേട്ടമുണ്ടാക്കുമെന്നാണ് മോത്തിലാൽ ഓസ്വാൾ പോലുള്ള ബ്രോക്കറേജ് സ്ഥാപനങ്ങളുടെ വിലയിരുത്തൽ.
50 കോടി വരിക്കാരുമായി ജിയോയുടെ വരിക്കാരുടെ എണ്ണം 50 കോടി പിന്നിട്ട പശ്ചാത്തലത്തിൽ, ഉപഭോക്താക്കൾക്ക് പരമാവധി മൂല്യം ഉറപ്പാക്കുക എന്നതാണ് കമ്പനിയുടെ ലക്ഷ്യമെന്ന് ആകാശ് അംബാനി പറഞ്ഞു. "സാങ്കേതികവിദ്യ ഇന്ത്യയുടെ അവസാന കോണിലും എത്തിക്കാനാണ് ഞങ്ങൾ ശ്രമിക്കുന്നത്. പുതിയ സേവനങ്ങളിലൂടെ ഉപഭോക്താക്കളുടെ ഡിജിറ്റൽ സേവനങ്ങൾ ഉപയോഗിക്കാനുള്ള ശേഷി വർധിപ്പിക്കാനാണ് ഞങ്ങൾ ലക്ഷ്യമിടുന്നത്," അദ്ദേഹം കൂട്ടിച്ചേർത്തു.