ഖമേനിയുടെ ശവസംസ്കാര ചടങ്ങിനിടെ ഇറാന് മുന്നറിയിപ്പുമായി ട്രംപ്

ഇറാനുമായി ഒന്നുകിൽ ഒരു പുതിയ ആണവ കരാറിലെത്തുമെന്നും അല്ലെങ്കിൽ സൈനിക നടപടി സ്വീകരിക്കുമെന്ന് അമേരിക്കൻ പ്രസിഡന്റ് ഡോണൾഡ് ട്രംപ് വ്യക്തമാക്കി. ഇറാന്റെ പരമോന്നത നേതാവായിരുന്ന ആയത്തുള്ള അലി ഖമേനിയുടെ മരണാനന്തര ശവസംസ്കാര ചടങ്ങുകൾ ഇറാനിൽ പുരോഗമിക്കുന്നതിനിടയിലാണ് വൈറ്റ് ഹൗസിൽ വെച്ച് ട്രംപ് മുന്നറിയിപ്പ് നൽകിയത്.സൈനിക നടപടിയേക്കാൾ നയതന്ത്രപരമായ പരിഹാരമാണ് താൻ ആഗ്രഹിക്കുന്നതെന്ന് വ്യക്തമാക്കിയ ട്രംപ്, എന്നാൽ ഏതാനും മണിക്കൂറുകൾക്കുള്ളിൽ ഇറാന്റെ പാലങ്ങളും ഊർജ്ജ നിലയങ്ങളും ഉൾപ്പെടെയുള്ള നിർണായക അടിസ്ഥാന സൗകര്യങ്ങൾ തകർക്കാൻ യുഎസിന് ശേഷിയുണ്ടെന്ന് ഓർമ്മിപ്പിച്ചു. ഇറാൻ ആണവായുധങ്ങൾ നിർമ്മിക്കുന്നത് പൂർണ്ണമായും തടയുക എന്നതുമാത്രമാണ് തങ്ങളുടെ ലക്ഷ്യമെന്നും, ഇറാനിലെ ഭരണം അട്ടിമറിക്കാൻ താൻ ആഗ്രഹിക്കുന്നില്ലെന്നും ട്രംപ് കൂട്ടിച്ചേർത്തു. യുഎസ്-ഇസ്രായേൽ ആക്രമണങ്ങളെ തുടർന്ന് ഇരുരാജ്യങ്ങളും തമ്മിൽ പ്രഖ്യാപിച്ച 60 ദിവസത്തെ താൽക്കാലിക വെടിനിർത്തലിനിടയിൽ നടന്ന പരോക്ഷ ആണവ ചർച്ചകൾ പുരോഗതിയില്ലാതെ അവസാനിച്ച സാഹചര്യത്തിലാണ് ട്രംപിന്റെ ഈ ഭീഷണി