അഖിൽ കാവുങ്ങൽ തിരക്കഥയെഴുതി സംവിധാനം ചെയ്യുന്ന ഡിയർ ജോയി എന്ന ചിത്രത്തിൻ്റെ മേക്കിംഗ് വീഡിയോ ഗാനം റിലീസായി

ധ്യാൻ ശ്രീനിവാസൻ, ഇന്ദ്രൻസ്,അപർണ്ണ ദാസ് എന്നിവരെ പ്രധാന കഥാപാത്രങ്ങളാക്കി അഖിൽ കാവുങ്ങൽ തിരക്കഥയെഴുതി സംവിധാനം ചെയ്യുന്ന "ഡിയർ ജോയി " എന്ന ചിത്രത്തിൻ്റെ മേക്കിംഗ് വീഡിയോ ഗാനം റിലീസായി. ഡോക്ടർ ഉണ്ണികൃഷ്ണ വർമ്മ എഴുതിയ വരികൾക്ക് ഡോക്ടർ വിമൽ കുമാർ
കാളിപുറയത്ത് സംഗീതം പകർന്ന് കെ എസ് ചിത്ര ആലപിച്ച "നെഞ്ചോരം കൊഞ്ചനായ്...." എന്നാരംഭിക്കുന്ന മേക്കിംഗ് വീഡിയോ ഗാനമാണ് റിലീസായത്. ജോണി ആൻ്റണി, ബിജു സോപാനം, നിർമ്മൽ പാലാഴി, കലാഭവൻ നവാസ്, മീരാ നായർ തുടങ്ങിയവരാണ് മറ്റു പ്രമുഖ താരങ്ങൾ.
എക്ത പ്രൊഡക്ഷൻസിൻ്റെ ബാനറിൽ അമർ പ്രേം നിർമ്മിക്കുന്ന ഈ ചിത്രത്തിൻ്റെ ഛായാഗ്രഹണം റോജോ തോമസ് നിർവഹിക്കുന്നു. സന്ദൂപ് നാരായണൻ,
അരുൺ രാജ്,ഡോക്ടർ ഉണ്ണികൃഷ്ണൻ വർമ,സൽവിൻ വർഗീസ് എന്നിവർ എഴുതിയ വരികൾക്ക് ധനുഷ് ഹരികുമാർ,വിമൽജിത് വിജയൻ എന്നിവർ സംഗീതം പകരുന്നു.സംഗീതത്തിന് വളരെ അധികം പ്രാധാന്യമുള്ള ഈ ചിത്രത്തിൽ  കെ. എസ്. ചിത്ര, വിനീത് ശ്രീനിവാസൻ,വൈക്കം വിജയലക്ഷ്മി എന്നിവരാണ് ഗായകർ.