ഹി​മാ​ല​യത്തിലെ മഞ്ഞുരുകൽ ഇന്ത്യയുടെ സമ്പദ്‌വ്യവസ്ഥയ്ക്കു വൻ ഭീഷണിയാകുമെന്നു പഠനം

ഹി​മാ​ല​യ​ൻ പ​ർ​വ​ത​നി​ര​ക​ളി​ലെ മഞ്ഞുരുകൽ ഇന്ത്യയുടെ സമ്പദ്‌വ്യവസ്ഥയ്ക്കു വൻ ഭീഷണിയാകുമെന്നു പഠനം. സി​സ്റ്റ​മി​ക്, ഇ​ന്‍റ​ഗ്രേ​റ്റ​ഡ് മൗ​ണ്ട​ൻ ഇ​നി​ഷ്യേ​റ്റീ​വ് എ​ന്നി​വ​യു​ടെ നേ​തൃ​ത്വ​ത്തി​ൽ അ​ന്താ​രാ​ഷ്‌ട്ര ഗ​വേ​ഷ​ക​രാണു പഠനത്തിനു പിന്നിൽ. ആ​ഗോ​ള കാ​ലാ​വ​സ്ഥാ വ്യ​തി​യാ​ന​വും പ്രാ​ദേ​ശി​ക മ​ലി​നീ​ക​ര​ണ​വു​മാ​ണു ഗു​രു​ത​ര​മാ​യ അ​വ​സ്ഥ​യ്ക്കു പിന്നിലെ പ്ര​ധാ​ന കാ​ര​ണമെന്നു ഗവേഷകർ വ്യക്തമാക്കുന്നു. മ​ഞ്ഞു​രു​ക​ൽ വേ​ഗ​ത്തി​ലാ​കു​ന്ന​തി​ൽ പ്ര​ധാ​ന വി​ല്ല​നാ​കു​ന്ന​ത് 'ബ്ലാ​ക്ക് കാ​ർ​ബ​ൺ' ആണ്. സ​മീ​പ പ്ര​ദേ​ശ​ങ്ങ​ളി​ലെ നിർമാണമേഖലകളിൽനിന്നും വാ​ഹ​ന​ങ്ങ​ളി​ൽനി​ന്നും വാ​യു​വി​ലേ​ക്കു​യ​രു​ന്ന പുകയാണു വലിയ പ്രതിസന്ധി. മ​ഞ്ഞി​ൽ അ​ടി​യു​ന്ന ക​രിയുടെ ക​ണി​ക​ക​ൾ സൂ​ര്യ​പ്ര​കാ​ശം കൂ​ടു​ത​ൽ ആ​ഗി​ര​ണം ചെ​യ്യു​ക​യും മ​ഞ്ഞു​രു​ക​ൽ വേ​ഗ​ത്തി​ലാ​ക്കു​ക​യും ചെ​യ്യു​ന്നു. ഒ​രു പ​തി​റ്റാ​ണ്ടു മു​മ്പു​ണ്ടാ​യി​രു​ന്ന​തി​നേ​ക്കാ​ൾ 65 ശ​ത​മാ​നം വേ​ഗ​ത്തി​ലാ​ണ് ഇ​പ്പോ​ൾ ഹിമാനികൾ ഉരുകുന്നത്. ഇതു മേഖലയിലെ പരിസ്ഥിതിയിൽ വൻ പ്രത്യാഘാതങ്ങൾ സൃഷ്ടിക്കുമെന്നും റിപ്പോർട്ട് ചൂണ്ടിക്കാണിക്കുന്നു.