കോവിഡ് കേസുകൾ ഉയരുന്നു: ആരോഗ്യപ്രവർത്തകർക്ക് അവധി നിയന്ത്രിക്കുമെന്ന് കർണാടക ആരോഗ്യമന്ത്രി

കോവിഡ് കേസുകൾ ഉയരുന്നതിനാൽ ആരോഗ്യപ്രവർത്തകർക്ക് അവധി നിയന്ത്രിക്കുമെന്ന് കർണാടക ആരോഗ്യമന്ത്രി ദിനേശ് ഗുണ്ടുരാവു. ആരോഗ്യ വകുപ്പ് പ്രതിരോധ നടപടികൾ ശക്തിപ്പെടുത്തുകയാണ്. അതിന്റെ ഭാഗമായി, ആരോഗ്യ പ്രവർത്തകർക്ക് അനുവദിക്കുന്ന അവധികളിൽ നിയന്ത്രണം വരുത്തേണ്ടിവരുമെന്നു മന്ത്രി പറഞ്ഞു. കോവിഡ് കേസുകൾ ഉയരുന്ന സാഹചര്യത്തിൽ, ആരോഗ്യ മേഖലയിലെ പ്രവർത്തനക്ഷമത നിലനിർത്താൻ ഈ നടപടി അനിവാര്യമാണ്. രോഗവ്യാപനം തടയുന്നതിനും, ആരോഗ്യസംവിധാനങ്ങൾ സജ്ജമായി നിലനിര്‍ത്തുന്നതിനും ആശുപത്രികൾ, പ്രാഥമികാരോഗ്യകേന്ദ്രങ്ങൾ എന്നിവയിൽ സ്റ്റാഫ് സാന്നിധ്യം ഉറപ്പാക്കേണ്ടതുണ്ട്. അവധി സംബന്ധിച്ച നിയന്ത്രണങ്ങൾ താൽക്കാലികവും സാഹചര്യപരവുമായിരിക്കും എന്നാണ് അറിയിപ്പ്. കർണാടക ആരോഗ്യ വകുപ്പ് തങ്ങളുടെ സൗകര്യങ്ങളും മനുഷ്യവിഭവശേഷിയും ഉറപ്പാക്കാൻ മുൻകരുതൽ നടപടികളിലേക്ക് നീങ്ങുകയാണ്. ആവശ്യമായാൽ അവധിയിലായിരിക്കുന്ന സ്റ്റാഫിനെ തിരിച്ചുവിളിക്കാനും സർക്കാർ തയ്യാറാണെന്ന് ആരോഗ്യ മന്ത്രി വ്യക്തമാക്കി.