ഗവര്ണര് പങ്കെടുത്ത പരിപാടിയില് വീണ്ടും കാവിക്കൊടിയേന്തിയ 'ഭാരതാംബ' ചിത്രം. പ്രതിഷേധം ശക്തം
Governor Rajendra Arlekar at the Senate Hall of the University of Kerala under heavy police security
കേരള സര്വകലാശാല സെനറ്റ് ഹാളില് ഗവര്ണര് രാജേന്ദ്ര ആര്ലേക്കര് പങ്കെടുത്ത പരിപാടിയില് കാവിക്കൊടിയേന്തിയ 'ഭാരതാംബ' ചിത്രം. പൊലീസിന്റെ ശക്തമായ സുരക്ഷയില് ഗവര്ണര് രാജേന്ദ്ര ആര്ലേക്കര് പരിപാടിയില് പങ്കെടുത്തു. അടിയന്തരാവസ്ഥയുടെ അന്പതാണ്ടുകള് എന്ന പേരില് പത്മനാഭ സേവാഭാരതി എന്ന സംഘടന സംഘടിപ്പിച്ച പരിപാടിയിലാണ് ചിത്രം ഉള്പ്പെടുത്തിയത്. സര്വകലാശാലയുടെ പുറത്ത് ശക്തമായ പ്രതിഷേധവുമായി എസ്എഫ്ഐ, കെഎസ്യു സംഘടനകള് രംഗത്തെത്തി. ബിജെപി നേതാക്കാളായ വി വി രാജേഷ്, പി കെ കൃഷ്ണദാസ് എന്നിവരും പരിപാടിയില് പങ്കെടുക്കാന് എത്തിയിരുന്നു. ചിത്രം സര്വകലാശാല ചട്ടങ്ങള്ക്ക് എതിരാണെന്നും നിയമാവലിയില് അത് പ്രതിപാദിച്ചിട്ടുണ്ടെന്നും രജിസ്ട്രാര് പറഞ്ഞു.
പ്രതിഷേധിച്ചവരെ പൊലീസ് അറസ്റ്റ് ചെയ്ത് നീക്കിയ സമയത്ത് ഗവര്ണര് രാജേന്ദ്ര ആര്ലേക്കര് പരിപാടിയില് പങ്കെടുക്കാന് സര്വകലാശാല സെനറ്റ് ഹാളിലേക്ക് എത്തി. വിദ്യാര്ത്ഥി സംഘടനകളുടെ പ്രതിഷേധം വകവെയ്ക്കാതെ ഗവര്ണര് സെനറ്റ് ഹാളില് പ്രവേശിച്ചു. തൊട്ടുപിന്നാലെ സെനറ്റ് ഹാളിന്റെ വാതില് പൊലീസ് അടച്ചു. അകത്തുപ്രവേശിച്ച ഗവര്ണര് ഭാരതാംബ ചിത്രത്തിന് മുന്നില്വെച്ച വിളക്ക് കത്തിക്കുകയും പരിപാടിയില് പങ്കെടുക്കുകയും ചെയ്തു.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
