ഇന്ത്യൻ പ്രീമിയർ ലീഗ് ട്രോഫിയിൽ മുത്തമിട്ടു റോയൽ ചലഞ്ചേഴ്‌സ് ബെംഗളൂരു: അംബാനിയുടെ നേട്ടങ്ങൾ

18 സീസണുകളുകൾക്ക് ശേഷം, റോയൽ ചലഞ്ചേഴ്‌സ് ബെംഗളൂരു ഒടുവിൽ കൊതിപ്പിക്കുന്ന ഇന്ത്യൻ പ്രീമിയർ ലീഗ്  ട്രോഫിയിൽ മുത്തമിട്ടു.ആവേശകരമായ ഫൈനലിൽ പഞ്ചാബ് കിംഗ്‌സിനെ ആറ് റൺസിന് പരാജയപ്പെടുത്തിയാണ് ആർസിബി വിജയകിരീടം ചൂടിയത്.  ഏറെക്കാലമായി കാത്തിരുന്ന വിജയം ഫ്രാഞ്ചൈസിക്ക് മാത്രമല്ല, അവരുടെ ഏറ്റവും മികച്ച കളിക്കാരിൽ ഒരാളായ വിരാട് കോഹ്‌ലിക്കും ഒരു ചരിത്ര നിമിഷമായി. ഈ വർഷം, ഫൈനൽ മത്സരം മൊത്തം 64.3 കോടി കാഴ്ചക്കാർ കണ്ടു. ഐ‌പി‌എൽ 2025 സീസൺ മാർച്ച് 22 ന് ആരംഭിച്ചു. ഇത്തവണ, ഔദ്യോഗിക സംപ്രേക്ഷകൻ ജിയോ ഹോട്ട്സ്റ്റാർ ആണ്. ഈ വർഷം ഹോട്ട്സ്റ്റാറും ജിയോസിനിമയും ലയിച്ചതിനെത്തുടർന്ന്, മുകേഷ് അംബാനിയുടെ നേതൃത്വത്തിലുള്ള റിലയൻസ് ഇൻഡസ്ട്രീസിന് ഇപ്പോൾ പ്ലാറ്റ്‌ഫോമിൽ 63.16% ഓഹരിയുണ്ട്.

ഐ‌പി‌എല്ലിൽ നിന്ന് ഇന്ത്യൻ ക്രിക്കറ്റ് കൺട്രോൾ ബോർഡിന് ഗണ്യമായ വരുമാനം ലഭിച്ചു. അതേസമയം, ഐപിഎൽ 2025 ടെലിവിഷൻ പരസ്യങ്ങൾ, ഡിജിറ്റൽ പ്ലാറ്റ്‌ഫോമുകൾ, ഓൺ-ഗ്രൗണ്ട് പരസ്യങ്ങൾ, ടീം സ്‌പോൺസർഷിപ്പുകൾ എന്നിവയിലൂടെ 6,000 മുതൽ 7,000 കോടി രൂപ വരെ ലാഭം ഉണ്ടാക്കുമെന്ന് നേരത്തെയുള്ള റിപ്പോർട്ടുകൾ കണക്കാക്കിയിരുന്നു. ഈ വർഷം, ഐപിഎൽ സീസണിൽ, പരസ്യങ്ങളിലൂടെ 6,000 കോടി രൂപ സമ്പാദിക്കുക എന്നതാണ് ജിയോസ്റ്റാറിന്റെ ലക്ഷ്യം.