ഉത്തര്പ്രദേശിലെ ലഖ്നൗവില് കെട്ടിടത്തിലുണ്ടായ തീപിടിത്തത്തില് പതിനാല് പേര്ക്ക് ദാരുണാന്ത്യം
Fourteen people died in a fire in a building in Lucknow
ഉത്തര്പ്രദേശിലെ ലഖ്നൗവില് കെട്ടിടത്തിലുണ്ടായ തീപിടിത്തത്തില് പതിനാല് പേര്ക്ക് ദാരുണാന്ത്യം. ലഖ്നൗവിലെ അലിഗഞ്ച് മേഖലയിലുള്ള കോച്ചിംഗ് സെന്റര് പ്രവര്ത്തിക്കുന്ന കെട്ടിടത്തിലായിരുന്നു തീപിടിത്തമുണ്ടായത്. തീ വ്യാപിച്ചതോടെ പലരും കെട്ടിടത്തിന്റെ മുകളില് നിന്ന് താഴേയ്ക്ക് ചാടി. നിലവില് തീ നിയന്ത്രണ വിധേയമാക്കി. ഉച്ച തിരിഞ്ഞ് മൂന്ന് മണിയോടെയായിരുന്നു മൂന്ന് നില കെട്ടിടത്തില് തീപിടിത്തമുണ്ടായത്. ഏറ്റവും മുകളിലത്തെ നിലയില് നിന്നാണ് തീ പടര്ന്നതെന്നാണ് പ്രാഥമിക വിവരം. തീ പടര്ന്ന ഉടന് പൊലീസും അഗ്നിശമന വിഭാഗവും സ്ഥലത്തെത്തി. മണിക്കൂറുകൾ പരിശ്രമിച്ച ശേഷമാണ് തീ നിയന്ത്രണ വിധേയമാക്കിയത്. ഉപമുഖ്യമന്ത്രി ബ്രജേഷ് പഥക്കും സ്ഥലത്തെത്തി സ്ഥിതിഗതികള് വിലയിരുത്തി. മരിച്ചവരുടെ കുടുംബാംഗങ്ങള്ക്ക് പ്രധാനമന്ത്രി രണ്ട് ലക്ഷം രൂപ വീതം അടിയന്തര ധനസഹായം പ്രഖ്യാപിച്ചു.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
