ഹിമാചൽ പ്രദേശിലെ കുളു ജില്ലയിലെ മലാന-I ജലവൈദ്യുത പദ്ധതിയുടെ അണകെട്ട് തകർന്നു

ഹിമാചൽ പ്രദേശിലെ കുളു ജില്ലയിലെ മലാന-I ജലവൈദ്യുത പദ്ധതിയുടെ അണകെട്ട് തകർന്നു, ഇത് പ്രാന്തപ്രദേശത്തു  വെള്ളപ്പൊക്കത്തിന് കാരണമായി. ജലപ്രവാഹത്തിൽ ഒരു ഹൈഡ്ര ക്രെയിൻ, ഡമ്പർ ട്രക്ക്, റോക്ക് ബ്രേക്കർ, ഒരു വാഹനം എന്നിവയുൾപ്പെടെയുള്ള ഭാരമേറിയ യന്ത്രങ്ങൾ ഒഴുകിപ്പോയി. ആളപായമുണ്ടായിട്ടില്ല. ഹിമാചൽ പ്രദേശിലെ മണ്ണിടിച്ചിലിനെയും വെള്ളപ്പൊക്കത്തെയും തുടർന്ന് ചണ്ഡീഗഡ്-മണാലി, മണാലി-ലേ ദേശീയ പാതകൾ ഉൾപ്പെടെ മൊത്തം 285 റോഡുകൾ വെള്ളത്തിനടിയിലായി.  

മഴക്കെടുതിയിൽ തകർന്ന മാണ്ഡി ജില്ലയിൽ 175 റോഡുകളും കുളുവിൽ 67 റോഡുകളും അടച്ചിട്ടതായി സ്റ്റേറ്റ് എമർജൻസി ഓപ്പറേഷൻ സെന്റർ അറിയിച്ചു. സംസ്ഥാനത്തുടനീളം 314 വൈദ്യുതി വിതരണ ട്രാൻസ്‌ഫോർമറുകളും 221 ജലവിതരണ പദ്ധതികളും ബാധിച്ചതായി കൂട്ടിച്ചേർത്തു.
മഷേരൻ നല്ലയിൽ ഉണ്ടായ വെള്ളപ്പൊക്കത്തിൽ വലിയ പാറകളും അവശിഷ്ടങ്ങളും റോഡിൽ ചിതറിക്കിടക്കുന്നതിനാൽ ലാഹൗളിലെയും സ്പിതി ജില്ലയിലെയും ജിസ്പയിൽ മണാലി-ലേ എൻഎച്ച്-3 അടച്ചു, നിരവധി ആളുകളുടെ കൃഷിയിടങ്ങളിലും വെള്ളപ്പൊക്കം നാശനഷ്ടങ്ങൾ വരുത്തി.ജൂൺ 20 ന് സംസ്ഥാനത്ത് മൺസൂൺ ആരംഭിച്ചതു മുതൽ ഓഗസ്റ്റ് 1 വരെ ഹിമാചൽ പ്രദേശിൽ 1,678 കോടി രൂപയുടെ നാശനഷ്ടമുണ്ടായി. മഴയുമായി ബന്ധപ്പെട്ട സംഭവങ്ങളിൽ ഇതുവരെ 98 പേർ മരിക്കുകയും 36 പേരെ കാണാതാവുകയും ചെയ്തു. 1,526 വീടുകൾ പൂർണ്ണമായോ ഭാഗികമായോ തകർന്നു. സംസ്ഥാനത്ത് 47 മിന്നൽ വെള്ളപ്പൊക്കങ്ങളും 28 മേഘവിസ്ഫോടനങ്ങളും 42 വലിയ മണ്ണിടിച്ചിലുകളും ഉണ്ടായി.