ക്യാപ്റ്റൻ കൂൾ എന്ന പേരിൽ അറിയപ്പെടുന്ന എംഎസ് ധോണിക്ക് 45 വയസ്സ് തികയുകയാണ്

ക്യാപ്റ്റൻ കൂൾ എന്ന പേരിൽ അറിയപ്പെടുന്ന എം.എസ്. ധോണിക്ക് 45 വയസ്സ് തികയുകയാണ്. തന്റെ കരിയറിൽ ധോണിക്കും തന്റെ നിയന്ത്രണം നഷ്ടപ്പെടുകയും ദേഷ്യം പ്രകടിപ്പിക്കേണ്ടി വരികയും ചെയ്തിട്ടുണ്ട്. അമ്പയറുടെ തീരുമാനത്തിനെതിരെ ഡഗ്ഔട്ടിൽ നിന്ന് മൈതാനത്തേക്ക് രാജസ്ഥാൻ റോയൽസിനെതിരായ ഐപിഎൽ മത്സരത്തിനിടെയായിരുന്നു ധോണിയുടെ കരിയറിലെ ഏറ്റവും വലിയ ദേഷ്യപ്രകടനം നടന്നത്. മത്സരത്തിന്റെ അവസാന ഓവറിൽ നോ-ബോളിനെച്ചൊല്ലി അമ്പയർമാർക്കിടയിൽ ആശയക്കുഴപ്പമുണ്ടായി. ഇതിൽ പ്രകോപിതനായ ധോണി നേരിട്ട് പിച്ചിലേക്ക് നടന്നു വരികയും അമ്പയർമാരോട് രൂക്ഷമായി തർക്കിക്കുകയും ചെയ്തു.

ദക്ഷിണാഫ്രിക്കയ്ക്കെതിരായ രണ്ടാം ടി20 മത്സരത്തിനിടെ സിംഗിൾ എടുത്ത ശേഷം നോൺ-സ്ട്രൈക്കർ എൻഡിലുണ്ടായിരുന്ന മനീഷ് പാണ്ഡെ ധോണിയെ ശ്രദ്ധിക്കാതെ ഫീൽഡർമാരെ നോക്കിനിന്നു. റണ്ണിനായി ശ്രദ്ധിക്കാത്ത പാണ്ഡെയ്ക്ക് നേരെ ധോണി മൈതാനത്ത് വെച്ച് ഉച്ചത്തിൽ ആക്രോശിക്കുകയും ചീത്തവിളിക്കുകയും ചെയ്തത് സ്റ്റമ്പ് മൈക്രോഫോണിൽ വ്യക്തമായി റെക്കോർഡ് ചെയ്യപ്പെട്ടിരുന്നു. ബംഗ്ലാദേശിനെതിരായ ഏകദിന മത്സരത്തിൽ റണ്ണിനായി ഓടുന്നതിനിടെ ബൗളർ മുസ്തഫിസുർ റഹ്മാൻ ധോണിയുടെ വഴി തടസ്സപ്പെടുത്തുന്ന രീതിയിൽ പിച്ചിന് നടുവിൽ നിന്നു. ഓട്ടത്തിനിടയിൽ വേഗത കുറയ്ക്കാൻ തയ്യാറാകാതിരുന്ന ധോണി, മുസ്തഫിസുറിനെ തന്റെ കൈമുട്ട് കൊണ്ട് ശക്തമായി തള്ളിമാറ്റി മുന്നോട്ട് പോയി. ഈ സംഭവത്തെത്തുടർന്ന് ധോണിക്ക് ഐസിസി പിഴ ചുമത്തിയിരുന്നു.ചെന്നൈ സൂപ്പർ കിങ്സിന്റെ ഫീൽഡ് സെറ്റിംഗ് നിർദ്ദേശങ്ങൾ കൃത്യമായി പാലിക്കാതിരുന്ന സഹതാരങ്ങളായ ശിവം ദുബെ, മതീഷ പതിരണ എന്നിവർക്കെതിരെ ധോണി പരസ്യമായി അതൃപ്തിയും ദേഷ്യവും പ്രകടിപ്പിച്ചിരുന്നു. ധോണിയുടെ ക്യാപ്റ്റൻസിയിലെ വിവാദപരമായ പ്രകടനങ്ങൾ എപ്പോഴും ചർച്ചയായിരുന്നു.