ഇറാനിലേക്ക് യാത്ര ചെയ്യരുതെന്ന് നിർദേശം നൽകി യുഎസ്

ഇറാനിലേക്ക് യാത്ര ചെയ്യരുതെന്ന് നിർദേശം നൽകി യുഎസ്. തടങ്കൽ, തീവ്രവാദ സാധ്യതകൾ വർദ്ധിക്കുന്നതിനാലാണ് യുഎസ് കർശന മുന്നറിയിപ്പ് നൽകുന്നത്. അടിയന്തര സാഹചര്യങ്ങൾക്ക് തയ്യാറെടുക്കാനും യാത്ര പൂർണ്ണമായും ഒഴിവാക്കാനും പൗരന്മാർക്ക് നിർദേശം നൽകുന്നുണ്ട്. ഇറാനിലെ യുഎസ് പൗരന്മാർ ഗുരുതരമായ അപകടങ്ങൾ നേരിടുകയാണ്.  യുഎസ് പൗരന്മാരെ തട്ടിക്കൊണ്ടുപോയി കസ്റ്റഡിയിലെടുക്കും, ചിലരെ വ്യാജ കുറ്റങ്ങൾ ചുമത്തി വർഷങ്ങൾ തടവിലാക്കും. പലരെയും മാനസിക പീഡനത്തിന് വിധേയരാക്കിയിട്ടുണ്ട്, വധശിക്ഷയ്ക്ക് പോലും വിധിച്ചിട്ടുണ്ടെന്ന് അധികാരികൾ മുന്നറിയിപ്പ് നൽകുന്നു. പത്രപ്രവർത്തകർ, വിദ്യാർത്ഥികൾ, ബിസിനസ്സ് യാത്രക്കാർ - മുന്നറിയിപ്പോ ഏതെങ്കിലും കുറ്റകൃത്യത്തിന്റെ തെളിവുകളോ ഇല്ലാതെ ഇവരെ ലക്ഷ്യമിടുന്നുണ്ടെന്ന് സർക്കാർ പറഞ്ഞു. “യുഎസ് പാസ്‌പോർട്ടോ അമേരിക്കയുമായുള്ള ബന്ധമോ ഇറാനിയൻ അധികാരികൾക്ക് ആരെയെങ്കിലും തടങ്കലിൽ വയ്ക്കാൻ മതിയായ കാരണമാകാമെന്നും അധികാരികൾ നിർദേശം നൽകുന്നു.