കന്നഡ പ്രസ്താവനയ്ക്ക് മാപ്പ് പറയാൻ കമൽ തയാറല്ല, 'തഗ് ലൈഫ്' കർണാടകയിൽ റിലീസ് ചെയ്യില്ല

പ്രശസ്ത നടനും സംവിധായകനുമായ കമൽ ഹാസൻ, തന്റെ പുതിയ ചിത്രം 'തഗ് ലൈഫ്'യുടെ പ്രമോഷൻ പരിപാടിയിൽ നടത്തിയ കന്നഡ ഭാഷയെക്കുറിച്ചുള്ള പ്രസ്താവനയെ തുടർന്ന് വലിയ വിവാദത്തിലായി.കമൽ ഹാസൻ കന്നഡ ഭാഷ തമിഴിൽ നിന്നാണ് ഉത്ഭവിച്ചതെന്ന് പറഞ്ഞിരുന്നു. ഈ പ്രസ്താവന കർണാടകയിൽ വലിയ പ്രതിഷേധം സൃഷ്ടിച്ചു, പ്രത്യേകിച്ച് കന്നഡ ഭാഷാപ്രേമികൾക്ക് ഇത് അപമാനകരമായതായി തോന്നി.
ഇതിനെ തുടർന്ന്, കർണാടക ഫിലിം ചേബർ ഓഫ് കോമേഴ്‌സ് കമൽ ഹാസൻ മാപ്പ് പറയണമെന്ന് ആവശ്യപ്പെട്ടു, അല്ലെങ്കിൽ ചിത്രം സംസ്ഥാനത്ത് റിലീസ് ചെയ്യാൻ അനുവദിക്കില്ലെന്ന് മുന്നറിയിപ്പ് നൽകി. ഹാസൻ മാപ്പ് പറയാൻ തയാറില്ലെന്ന് വ്യക്തമാക്കിയതോടെ, 'തഗ് ലൈഫ്'യുടെ റിലീസ് കർണാടകയിൽ നിർത്തിവെക്കാൻ തീരുമാനിച്ചു.

ഇതോടെ, കർണാടക ഹൈക്കോടതി ഈ വിഷയത്തിൽ ഇടപെട്ടു. കോടതി ഹാസന്റെ നിലപാടിനെ കുറിച്ച് ചോദ്യം ചെയ്തെങ്കിലും, ഹാസൻ തന്റെ പ്രസ്താവനയ്ക്ക് മാപ്പ് പറയാൻ തയാറില്ലെന്ന് വ്യക്തമാക്കി. ഇതിനാൽ, ചിത്രം കർണാടകയിൽ റിലീസ് ചെയ്യില്ലെന്ന് വ്യക്തമാകുകയാണ്.
തഗ് ലൈഫ്' ചിത്രം, മണി രത്നം സംവിധാനം ചെയ്ത് കമൽ ഹാസൻ, സിൽമ്പരാസൻ, തൃഷ, ജോജു ജോർജ്, അലി ഫസൽ, അശോക് സെൽവൻ, എന്നിവരാണ് ചിത്രത്തിൽ വേഷമിടുന്നത്.