മഹാരാഷ്ട്രയിൽ ആകെയുള്ള 358 താലൂക്കുകളിൽ 265 എണ്ണത്തിലും സംസ്ഥാന സർക്കാർ വരൾച്ച പ്രഖ്യാപിച്ചു
The Maharashtra state government has declared a drought in 265 of the state 358 talukas
മഹാരാഷ്ട്രയിൽ ആകെയുള്ള 358 താലൂക്കുകളിൽ 265 എണ്ണത്തിലും സംസ്ഥാന സർക്കാർ വരൾച്ച പ്രഖ്യാപിച്ചു. മഴക്കുറവും വരൾച്ചയും വ്യാപകമായി കൃഷിയെ ബാധിച്ചതിന് പിന്നാലെയാണ് പ്രഖ്യാപനം. സംസ്ഥാനത്തിന്റെ ഏതാണ്ട് മൂന്നിൽ രണ്ട് ഭാഗത്തോളം പ്രദേശങ്ങൾ പ്രഖ്യാപനത്തിന്റെ പരിധിയിൽ വരും. ഭൂനികുതി ഒഴിവാക്കൽ, കാർഷിക വായ്പകൾ പുനഃക്രമീകരിക്കൽ, കൃഷിയുമായി ബന്ധപ്പെട്ട വായ്പകളുടെ തിരിച്ചടവ് നടപടികൾക്ക് സ്റ്റേ എന്നിവ ഇതിൽ ഉൾപ്പെടും. എന്നാൽ വിളനാശത്തിനുള്ള സാമ്പത്തിക സഹായം വിലയിരുത്തൽ പൂർത്തിയായ ശേഷമായിരിക്കും പ്രത്യേകം പ്രഖ്യാപിക്കുക. മൺസൂൺ കാലത്ത് കാര്യമായ മഴ ലഭിക്കാതെ തുടർച്ചയായി കുറഞ്ഞത് 21 ദിവസം നീണ്ടുനിൽക്കുന്ന വരണ്ട കാലയളവായ ‘ട്രിഗർ 1’ ഈ പ്രദേശങ്ങളിൽ ബാധകമാണെന്നും റിപ്പോർട്ടിൽ വ്യക്തമാക്കുന്നു. വിളനാശം വിലയിരുത്തുന്നതിനായി പഞ്ചനാമ നടപടികൾ ഉടൻ ആരംഭിക്കാൻ ജില്ലാ കളക്ടർമാർക്ക് നിർദേശം നൽകി.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
