അമിത് ഷായുടെ തല വെട്ടി മേശപ്പുറത്ത് വയ്ക്കണമെന്ന മഹുവയുടെ പ്രതികരണം.. വിവാദങ്ങൾ ചർച്ചയാവുന്നു

കേന്ദ്ര ആഭ്യന്തര മന്ത്രി അമിത് ഷായ്ക്ക് നുഴഞ്ഞുകയറ്റക്കാരിൽ നിന്ന് രാജ്യത്തെ സംരക്ഷിക്കാൻ കഴിയുന്നില്ലെങ്കിൽ, അദ്ദേഹത്തെ തലവെട്ടി മേശപ്പുറത്ത് വയ്ക്കണം എന്ന് ടിഎംസി എംപി മഹുവ മൊയ്ത്ര പറഞ്ഞതിനെത്തുടർന്ന് പുതിയ വിവാദം ശക്തമായി. “ആഭ്യന്തരമന്ത്രിയെ തലവെട്ടുമെന്ന് മഹുവ പറയുമ്പോൾ, അത് ടിഎംസിയുടെ നിരാശയും ബംഗാളിന്റെ പ്രതിച്ഛായയെ കളങ്കപ്പെടുത്തുകയും സംസ്ഥാനത്തെ പിന്നിലേക്ക് വലിച്ചിഴയ്ക്കുകയും ചെയ്യുന്ന അക്രമ സംസ്കാരവുമാണ് എന്ന് പശ്ചിമ ബംഗാൾ ബിജെപി വ്യക്തമാക്കി. 

നമ്മുടെ അതിർത്തികൾ സംരക്ഷിക്കാൻ ആരുമില്ലെന്നും മറ്റ് രാജ്യങ്ങളിൽ നിന്നുള്ള ആളുകൾ ലക്ഷക്കണക്കിന് കോടിക്കണക്കിന് ഇന്ത്യയിലേക്ക് കടക്കുന്നുണ്ടല്ലോ... അവർ നമ്മുടെ അമ്മമാരെയും സഹോദരിമാരെയും നോക്കുന്നുണ്ടെങ്കിൽ... അവർ നമ്മുടെ ഭൂമി കൈയടക്കുന്നുണ്ടെങ്കിൽ... ആദ്യം അമിത് ഷായുടെ തല വെട്ടി മേശപ്പുറത്ത് വയ്ക്കണം മഹുവ പറഞ്ഞു. ബംഗാളിനെ അവരുടെ അക്രമാസക്തമായ മനോഭാവത്തോടെ വികസിപ്പിക്കാൻ ടിഎംസി അനുവദിക്കുന്നില്ല എന്നതിന്റെ തെളിവാണ് ഈ പ്രസ്താവനയെന്ന് ബിജെപി ശക്തമായി എതിർത്തു.