തടവുപുള്ളികളുടെ കൂലി പത്തു മടങ്ങ് വരെ വർധിപ്പിച്ചു സർക്കാർ
The government has now increased the wages of prisoners in Kerala by up to ten times
കേരളത്തിലെ ജയിലിൽ കഴിയുന്ന തടവുപുള്ളികളുടെ കൂലി പത്തു മടങ്ങ് വരെയാണ് സർക്കാർ ഇപ്പോൾ വർധിപ്പിച്ചത്. നാല് സെന്ട്രല് ജയിലുകളിലെ തടവുകാര്ക്ക് ആനൂകൂല്യം ലഭിക്കും. ജയിലിലെ അന്തേവാസികളെ സ്വയം പര്യാപ്തരാക്കി സമൂഹത്തിലേക്ക് മടക്കി അയക്കുക എന്ന ജയില് വകുപ്പിന്റെ ദൗത്യം മുന്നിര്ത്തി സ്കില്ഡ്, സെമി സ്കില്ഡ്, അണ്സ്കില്ഡ് എന്നിങ്ങനെ മൂന്ന് വിഭാഗങ്ങളായി സംസ്ഥാനത്തെ എല്ലാ ജയിലുകളിലെയും വേതന ഘടന ഏകീകരിച്ചാണ് വേതനം പരിഷ്കരിച്ചിട്ടുള്ളതെന്ന് ഉത്തരവില് പറയുന്നു.
സ്കില്ഡ് ജോലികളില് ഏര്പ്പെടുന്നവര്ക്ക് 620 രൂപയാണ് പുതുക്കിയ വേതനം. സെമി സ്കില്ഡ് ജോലികളില് 560രൂപയും അണ് സ്കില്ഡ് ജോലികളില് 530 രൂപയുമാക്കിയാണ് വര്ധിപ്പിച്ചത്. 2018 ല് ആണ് തടവുപുള്ളികളുടെ വേതനം അവസാനമായി കൂട്ടിയത്. നേരത്തെ അണ് സ്കില്ഡ് ജോലികള് ചെയ്യുന്നവര്ക്ക് 63 രൂപ ആയിരുന്നു കൂലി. ഇത് 530 രൂപയായാണ് ഉയര്ത്തിയത്. 127 രൂപ വേതനമുള്ളത് 560 ഉം 152 രൂപയുള്ളത് 620 രൂപയും ആയാണ് ഉയര്ത്തിയത്. ശിക്ഷാതടവുകാര്ക്ക് ആണ് കൂലിയുള്ള ജോലിയുള്ളത്.
കര്ണാടക, ജാര്ഖണ്ഡ്, തമിഴ്നാട്, ഡല്ഹി എന്നിങ്ങനെ മറ്റ് പല സംസ്ഥാനങ്ങളിലെ വേതനവുമായി താരതമ്യം ചെയ്യുമ്പോള് കേരളത്തിലെ ജയില് അന്തേവാസികള്ക്ക് നിലവില് നല്കിവരുന്ന വേതനം വളരെ കുറവ് ആണെന്നും ആഭ്യന്തര വകുപ്പ് പുറപ്പെടുവിച്ച ഉത്തരവില് പറയുന്നുണ്ട്.
ജയില് അന്തേവാസികളുടെ വേതനം പരിഷ്കരിക്കേണ്ടത് അത്യാവശ്യമാണെന്നും മറ്റു സംസ്ഥാനങ്ങളില് ഇതിനകം വേതനപരിഷ്കരണം നടപ്പിലാക്കിയിട്ടുണ്ടെന്നും ജയില് മേധാവി സംസ്ഥാന സര്ക്കാരിനോട് ശുപാര്ശ ചെയ്തിരുന്നു. തടവുകാരുടെ വേതനത്തില് കാലോചിതമായ വര്ധനവ് വരുത്താവുന്നതാണ് എന്നും ജയില് മേധാവി പറഞ്ഞു. തടവുകാരുടെ മനുഷ്യാവകാശം സംരക്ഷിക്കണം.
സംസ്ഥാനത്തെ ജയിലിലെ ശിക്ഷാ തടവുകാര്ക്ക് ആണ് കൂലിയുള്ള ജോലിയുള്ളത്. നാല് സെന്ട്രല് ജയിലുകളിലെ തടവുകാര്ക്ക് വേതന പരിഷ്കരണത്തിന്റെ ആനൂകൂല്യം ലഭിക്കും. വേതന പരിഷ്കരണത്തിലൂടെ 3000 ത്തിലധികം ജയില്പുള്ളികള്ക്ക് വേതനം വര്ധിക്കും.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
