അരീക്കൽ ആയൂർവേദ ആശുപത്രിയും, ജെ.സി.ഐയും സൗജന്യ ആയുർവേദ മെഡിക്കൽ ക്യാമ്പ് നടത്തി.

അരീക്കൽ ആയുർവേദ ആശുപത്രിയും ജെ.സി.ഐയും സൗജന്യ ആയുർവേദ മെഡിക്കൽ ക്യാമ്പ് നടത്തി.

കൊട്ടാരക്കര: നെല്ലിക്കൽ അരീക്കൽ ആയൂർവേദ ആശുപത്രി, ജെ.സി.ഐ കൊട്ടാരക്കര, എ.എം.എ. ഐ. കൊട്ടാരക്കര, ഡോക്ടേഴ്സ് സ്കാൻ ബയോട്ടിക്സ് ഫാർമസി എന്നിവ ചേർന്ന് വേരിക്കോസ് വെയിൻസ് സൗജന്യ ആയൂർവേദ മെഡിക്കൽ ക്യാമ്പ് നടത്തി.അരീക്കൽ ആയുർവേദ ആശുപത്രിയിൽ നടത്തിയ ക്യാമ്പ് ഉമ്മന്നൂർ പഞ്ചായത്ത് പ്രസിഡൻ്റ് അഡ്വ.ബ്രിജേഷ് എബ്രഹാം ഉത്ഘാടനം ചെയ്തു.

വാർഡ് അംഗം എം.ഉഷ മുഖ്യ അതിഥിയായി.എ.എം.എ.ഐ.സംസ്ഥാന കമ്മിറ്റി അംഗം ഡോ.വി.മോഹനൻ പോറ്റി അദ്ധ്യക്ഷത വഹിച്ചു. "നല്ല ആരോഗ്യ ശീലങ്ങൾ " എന്ന വിഷയത്തിൽ അരിക്കൽ ആയൂർവേദ ഹോസ്പിറ്റൽ മാനേജിംങ്ങ് ഡയറക്ടർ ഡോ.എ.ആർ.സ്മിത്ത് കുമാർ ക്ലാസ് നയിച്ചു.ജെ.സി.ഐ കൊട്ടാരക്കര പ്രസിഡൻ്റ് റജി നിസ, സെക്രട്ടറി അജി രാജ്, മുൻ പ്രസിഡൻ്റ് ബിജുരാജ്, ഡോ.സന്തോഷ് തര്യൻ, പി.രാമകൃഷ്ണപിള്ള തുടങ്ങിയവർ സംസാരിച്ചു.

വേരിക്കോസ് വെയിൻ ,വേരിക്കോസ് അൾസർ, കഴുത്ത് വേദന, തോൾ വേദന, മുട്ടുവേദന, ഉപ്പൂറ്റി വേദന, ആമവാതം, അലർജി, പൈൽസ്, സോറിയാസിസ്, എക്സിമ തുടങ്ങിയ രോഗങ്ങൾക്ക് സൗജന്യ ചികിത്സയും മരുന്നും നൽകി.കൂടാതെ, ബയോട്ടിക്സ് ഫാർമസിയുടെ അസ്ഥിതേയ്മാനം നിർണ്ണയിക്കുന്ന ബി.എം.ഡി.ടെക്സ്റ്റ്, ഡോക്ടേഴ്സ് ലാബിൻ്റെ പരിശോധനകളും സൗജന്യമായി നടത്തി. ക്യാമ്പിൽ പങ്കെടുത്തവരിൽ അഡ്മിറ്റായ രോഗികൾക്ക് രോഗം ഭേദമായശേഷം ഫീസടച്ചാൽ മതിയെന്ന ആനുകൂല്യവും നൽകി.ഡോ.എ.ആർ. സ്മിത്ത് കുമാറിൻ്റെ നേതൃത്വത്തിൽ ഡോ.പി.എസ്.അനിഷ് മ, ഡോ.അക്ഷിത സന്തോഷ് എന്നിവർ നേതൃത്വം നൽകി.