ജി കൃഷ്ണകുമാറും, മകള് ദിയ കൃഷ്ണയുമായി ബന്ധപ്പെട്ട കേസുകള് ക്രൈംബ്രാഞ്ചിന് കൈമാറി
The cases related to G Krishnakumar and his daughter Diya Krishna have been handed over to the Crime Branch
ജി കൃഷ്ണകുമാറും, മകള് ദിയ കൃഷ്ണയുമായി ബന്ധപ്പെട്ട കേസുകള് ക്രൈംബ്രാഞ്ചിന് കൈമാറി. മ്യൂസിയം പൊലീസാണ് നിലവില് കേസുകള് അന്വേഷിച്ചിരുന്നത്. കേസ് അന്വേഷിക്കുന്നതില് മ്യൂസിയം പൊലീസിന് പ്രായോഗിക ബുദ്ധിമുട്ടുകള് ഉണ്ടെന്ന് ഡിജിപിക്ക് നല്കിയ റിപ്പോർട്ടിന്റെ അടിസ്ഥാനത്തിലാണ് കേസ് ക്രൈം ബ്രാഞ്ചിന് കൈമാറിയത്. മുഖ്യമന്ത്രിയുടെ ഓഫീസിന്റെ ഇടപെടലിലാണ് കേസ് ക്രൈംബ്രാഞ്ചിന് കൈമാറിയതെന്നും സൂചനയുണ്ട്. ദിയ കൃഷ്ണയുടെ സ്ഥാപനത്തില് നിന്നും 3 ജീവനക്കാരികള് 69 ലക്ഷം രൂപ തട്ടിയെടുത്തെന്ന കൃഷ്ണകുമാറിന്റെ പരാതിയിലെ കേസും, ജീവനക്കാരികള് നല്കിയ തട്ടിക്കൊണ്ടു പോകല് പരാതിയിലെ കേസുമാണ് ക്രൈംബ്രാഞ്ച് അന്വേഷിക്കുന്നത്. മൊഴി എടുക്കുന്നതിനായി ഇന്നലെ സ്റ്റേഷനില് ഹാജരാകണമെന്നാവശ്യപ്പെട്ട് തിരുവനന്തപുരം മ്യൂസിയം പൊലീസ് മൂന്ന് പേര്ക്കും നോട്ടീസ് നല്കിയിരുന്നു. എന്നാല് മൂന്ന് പേരും സ്റ്റേഷനില് എത്തുകയോ ബന്ധപ്പെടുകയോ ചെയ്തിരുന്നില്ല.
ദിവസങ്ങള്ക്ക് മുന്പായിരുന്നു ദിയ കൃഷ്ണയുടെ സ്ഥാപനത്തിലെ മൂന്ന് ജീവനക്കാര് പരാതിയുമായി പൊലീസിനെ സമീപിച്ചത്. തങ്ങളെ തട്ടിക്കൊണ്ടുപോയെന്ന് ചൂണ്ടിക്കാട്ടിയാണ് പരാതി നല്കിയത്. ഇതിന്റെ അടിസ്ഥാനത്തില് ദിയ കൃഷ്ണയുടെ പിതാവ് സുഹൃത്ത് സന്തോഷ് എന്നിവര്ക്കെതിരെ പൊലീസ് കേസെടുത്തിരുന്നു. ഇതിന് പിന്നാലെ സ്ഥാപനത്തിലെ സാമ്പത്തിക തിരിമറി ചൂണ്ടിക്കാട്ടി ദിയ കൃഷ്ണയും പൊലീസില് പരാതി നല്കി.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
