കരൂർ ദുരന്തം: തെറ്റായ വാർത്തകൾ സോഷ്യൽ മീഡിയയിൽ പ്രചരിപ്പിക്കരുതെന്ന് എം കെ സ്റ്റാലിൻ

തിക്കിലും തിരക്കിലും പെട്ട് 41 പേരുടെ മരണത്തിനിടയാക്കിയ കരൂരിലെ ദുരന്തത്തിൽ തെറ്റായ വാർത്തകൾ സോഷ്യൽ മീഡിയയിൽ  പ്രചരിപ്പിക്കരുതെന്ന് എം കെ സ്റ്റാലിൻ. സംഭവത്തെ "വലിയ ദുരന്തം" എന്ന് വിശേഷിപ്പിച്ച മുഖ്യമന്ത്രി, ഇത് ഐക്യദാർഢ്യത്തിനും അനുകമ്പയ്ക്കും വേണ്ടിയുള്ള സമയമാണെന്നും, ഭിന്നതയല്ല ഇപ്പോൾ വേണ്ടതെന്നും അദ്ദേഹം പറഞ്ഞു. "സംഭവത്തിന്റെ ഇരകളെ ഒരു പ്രത്യേക പാർട്ടിയിൽ പെട്ടവരായി കാണരുത്, മറിച്ച് സഹ തമിഴരായി കാണണം," സ്റ്റാലിൻ തന്റെ ഔദ്യോഗിക അക്കൗണ്ടിൽ പങ്കിട്ട വീഡിയോ യിൽ പറഞ്ഞു.

ദുരന്തത്തിന്റെ വൈകാരിക ഭാരം സ്റ്റാലിൻ പങ്കുവെച്ചു. കരൂരിൽ നടന്നത് ഒരു വലിയ ദുരന്തമായിരുന്നു. വലിയ ദുഃഖം കാരണം എന്റെ ഹൃദയം ഭാരിച്ചിരിക്കുന്നു. ഇരകളെ ആശ്വസിപ്പിക്കാൻ ഞാൻ കരൂരിലേക്ക് ഓടിയെത്തി, അദ്ദേഹം സന്ദേശത്തിൽ പറഞ്ഞു.

സംഭവവുമായി ബന്ധപ്പെട്ട് ഓൺലൈനിൽ പ്രചരിക്കുന്ന ഉള്ളടക്കത്തിൽ മുഖ്യമന്ത്രി ആശങ്ക പ്രകടിപ്പിച്ചു. തെറ്റായ വാർത്തകൾ സമൂഹ മാധ്യമത്തിലൂടെ പ്രചരിപ്പിക്കരുത്, വിഷയത്തിൽ എല്ലാവരും ഉത്തരവാദിത്ത പരമായി പെരുമാറണമെന്നും അദ്ദേഹം പറഞ്ഞു.