കെ.എസ്.ആർ.ടി.സി സംവരണ സീറ്റ്: നിബന്ധനകൾ പാലിക്കാത്തവർക്ക് കർശന നീയമ നടപടി

കെ.എസ്.ആർ.ടി.സിയിലെ സംവരണ സീറ്റ്: നിബന്ധനകൾ പാലിച്ചില്ലെങ്കിൽ കർശന നീയമ നടപടി.

സ്വന്തം ലേഖകൻ

തിരുവനന്തപുരം:കെഎസ്ആർടിസി സംവരണ സീറ്റ് സംബന്ധിച്ച് പുതിയ കർശന നിർദേശം പുറത്തിറങ്ങി. ബസുകളിലെ സംവരണ സീറ്റുകളിൽ അർഹതയില്ലാത്തവർ യാത്ര ചെയ്താൽ 250 രൂപ പിഴ ഈടാക്കാനാണ് തീരുമാനം. മുതിർന്ന പൗരന്മാർക്ക് സീറ്റ് ലഭിക്കാത്തതായി ഉയർന്ന പരാതികളുടെ പശ്ചാത്തലത്തിലാണ് നടപടി.

മുതിർന്ന പൗരന്മാർക്കായി സംവരിച്ച സീറ്റുകൾഓർഡിനറി, ലിമിറ്റഡ് സ്റ്റോപ്പ്, ഓർഡിനറി സ്റ്റേജ് ക്യാരേജ് ബസുകളിൽ മുതിർന്ന പൗരന്മാർക്കായി ആകെ 20 ശതമാനം സീറ്റുകൾ സംവരണം ചെയ്തിട്ടുണ്ട്.

ഇതിൽ പുരുഷന്മാർക്കും സ്ത്രീകൾക്കും 10 ശതമാനം വീതം സീറ്റുകളാണ് മാറ്റിവെച്ചിരിക്കുന്നത്

ഫാസ്റ്റ് പാസഞ്ചർ സർവീസുകളിലും സംവരണം

റിസർവേഷൻ ഇല്ലാത്ത ഫാസ്റ്റ് പാസഞ്ചർ സർവീസുകൾ മുതൽ അതിന് മുകളിലുള്ള സർവീസുകളിൽ രണ്ട് സീറ്റുകൾ മുതിർന്ന പൗരന്മാർക്കായി പ്രത്യേകം നീക്കിവെച്ചിട്ടുണ്ട്.

അർഹരായ യാത്രക്കാർ ആവശ്യപ്പെട്ടാലും ചിലർ സീറ്റ് ഒഴിഞ്ഞുനൽകുന്നില്ലെന്ന പരാതി വ്യാപകമായതോടെയാണ് കർശന നടപടി സ്വീകരിച്ചത്