വെനിസ്വേലയ്‌ക്കെതിരായ യുഎസ് ആക്രമണങ്ങളെ പരമാധികാരത്തിനുമേലുള്ള ഗുരുതരമായ കടന്നുകയറ്റമെന്ന് ഉത്തരകൊറിയ

വെനിസ്വേലയ്‌ക്കെതിരായ യുഎസ് ആക്രമണങ്ങളെ പരമാധികാരത്തിനുമേലുള്ള ഗുരുതരമായ കടന്നുകയറ്റമെന്ന്  ഉത്തരകൊറിയ.  യുഎസിന്റെ തെമ്മാടിത്തരവും ക്രൂരവുമായ സ്വഭാവം ഒരിക്കൽ കൂടി വ്യക്തമായി സ്ഥിരീകരിക്കുന്ന മറ്റൊരു ഉദാഹരണമാണ് ഈ സംഭവം, ഉത്തരകൊറിയയുടെ വിദേശകാര്യ മന്ത്രാലയത്തിന്റെ വക്താവ് പ്രതികരിച്ചു. അതേസമയം ഉത്തരകൊറിയയുടെ മിസൈൽ വിക്ഷേപണങ്ങളെ സിയോളും ടോക്കിയോയും വിമർശിച്ചു. അടിയന്തര സുരക്ഷാ യോഗം ചേർന്നതായും ഐക്യരാഷ്ട്രസഭയുടെ സുരക്ഷാ കൗൺസിൽ പ്രമേയങ്ങൾ ലംഘിക്കുന്ന പ്രകോപനപരമായ പ്രവർത്തനങ്ങൾ" അവസാനിപ്പിക്കാൻ ഉത്തരകൊറിയയോട് ആവശ്യപ്പെട്ടതായും ദക്ഷിണകൊറിയയുടെ പ്രസിഡന്റിന്റെ ഓഫീസ് അറിയിച്ചു.

ഈ വിക്ഷേപണങ്ങൾ മേഖലയുടെയും അന്താരാഷ്ട്ര സമൂഹത്തിന്റെയും സമാധാനത്തിനും സുരക്ഷയ്ക്കും ഭീഷണിയാണെന്ന് ജാപ്പനീസ് പ്രതിരോധ മന്ത്രി ഷിൻജിറോ കൊയ്സുമി പറഞ്ഞു.ഞങ്ങളുടെ സർക്കാർ ഉത്തരകൊറിയയോട് ശക്തമായ പ്രതിഷേധം രേഖപ്പെടുത്തുകയും അതിനെ ശക്തമായി അപലപിക്കുകയും ചെയ്തു, കൊയ്സുമി ഒരു പ്രസ്താവനയിൽ പറഞ്ഞു.