ഐ.എസ്.ആർ.ഒ.യിൽ ജോലി വാഗ്ദാനം ചെയ്ത് ലക്ഷങ്ങൾ തട്ടി. പ്രധാന പ്രതി പിടിയിൽ

ഐഎസ്ആർഒയിൽ ജോലി വാഗ്ദാനം ചെയ്ത‌്‌ ലക്ഷങ്ങൾ തട്ടി; പ്രധാന പ്രതി പിടിയിൽ

 എറണാകുളം /വടക്കാഞ്ചേരി: :ഐഎസ്ആർഒയിൽജോലി വാഗ്ദാനം ചെയ്‌ത്‌ ലക്ഷങ്ങൾ തട്ടിയ കേസിലെ പ്രധാന പ്രതി പിടിയിൽ. പാർളികാട് സ്വദേശിക്ക് തിരുവനന്തപുരത്ത് ഐഎസ്ആർഒയ്ക്ക് കീഴിലുള്ള വിക്രം സാരാഭായി സ്പേസ് സെന്ററിൽ സൂപ്പർ വൈസർപോസ്റ്റിൽജോലിശരിയാക്കിതരാമെന്ന് പറഞ്ഞ് വിശ്വസിപ്പിച്ച് 5,50,000 രൂപ തട്ടിയെടുത്ത കേസിൽ മുങ്ങിയ മുളങ്കുന്നത്തുകാവ് കണ്ണഞ്ചേരി വീട്ടിൽ സുബിനെ (29)യാണ് വടക്കാഞ്ചേരി പൊലീസ് അറസ്റ്റ് ചെയ്തത്.തട്ടിപ്പിന് കൂട്ടുനിന്ന തിരുവനന്തപുരം സ്വദേശികളായ ദമ്പതികളെ തിരുവനന്തപുരം വെഞ്ഞാറമ്മൂട് പൊലീസ് നേരത്തേ അറസ്റ്റ് ചെയ്ത് റിമാൻഡ് ചെയ്‌തിരുന്നു. പ്രതികൾ ഉദ്യോഗാർഥികൾക്ക് മെഡിക്കൽ ടെസ്റ്റിന്

ഹാജരാകുന്നതിന് വ്യാജ ലെറ്റർ പാഡിൽഅറിയിപ്പ് നൽകുകയിരുന്നു. അതുപ്രകാരം ഹാജരായപ്പോഴാണ് തങ്ങളെ കബളിപ്പിച്ചതാണെന്ന് ഉദ്യോഗാർഥികൾക്ക് മനസ്സിലായത്.

സംസ്ഥാനത്ത് വിവിധ ജില്ലകളിൽ പ്രതികൾ ഇത്തരം തട്ടിപ്പുകൾ നടത്തിയിട്ടുണ്ട്.

ബുധൻ രാത്രി പ്രതി വീടിന് സമീപത്തുള്ള ഒളിത്താവളത്തിൽ എത്തിയിട്ടുണ്ട് എന രഹസ്യ വിവരം ലഭിച്ച പ്രകാരം വടക്കാഞ്ചേരി പൊലീസ് ഇൻസ്പെ‌ക്‌ടർ മുരളീധരന്റെ നേതൃത്വത്തിൽ അസി. സബ് ഇൻസ്പെക്‌ടർ പ്രശാന്ത്, സീനിയർ സിവിൽ പൊലീസ് ഓഫീസർ ജോബിൻ, സിവിൽ പൊലീസ് ഓഫീസർ സഗുൺ എന്നിവർ സ്ഥലത്തെത്തി പ്രതിയെ സാഹസികമായി പിടികൂടുകയായിരുന്നു.കോടതിയിൽ ഹാജരാക്കിയ പ്രതിയെ റിമാൻഡ്‌ ചെയ്തു.