ദൈവത്തിൻ്റെ കൈയ്യൊപ്പ് പതിഞ്ഞ നിമിഷം! കയ്പമംഗലം കണ്ടത് സിനിമയെ വെല്ലുന്ന സാഹസിക രക്ഷാപ്രവർത്തനം.

 ദൈവത്തിന്റെ കൈയൊപ്പ് പതിഞ്ഞ നിമിഷം; കയ്പമംഗലം കണ്ടത് സിനിമയെ വെല്ലുന്ന സാഹസിക രക്ഷാപ്രവർത്തനം!

ആലപ്പുഴ:കയ്പമംഗലം ദേശീയപാതയിലൂടെ സാധാരണ പോലെ ഒഴുകുകയായിരുന്നു വാഹനങ്ങൾ. എന്നാൽ ഒരു നിമിഷം അവിടെ കൂടിയവരുടെയെല്ലാം ശ്വാസം നിലച്ചുപോയി. ഓടിക്കൊണ്ടിരുന്ന കാർ ഒരു കുഴിയിൽ ചാടിയതും, നിയന്ത്രണം വിട്ട് പിൻവശത്തെ ഡോർ മലർക്കെ തുറന്നു. കാറിനുള്ളിലിരുന്ന പിഞ്ചുകുഞ്ഞ് റോഡിലേക്ക് തെറിച്ചു വീഴാൻ തുടങ്ങുന്നു!ഒരു നിമിഷം വൈകിയിരുന്നെങ്കിൽ വലിയൊരു ദുരന്തം സംഭവിക്കുമായിരുന്നു. എന്നാൽ ആ നിമിഷം വിധിക്ക് തോറ്റുകൊടുക്കാൻ തയ്യാറാകാതെ ഒരാൾ പാഞ്ഞെത്തി. പിന്നാലെ ബൈക്കിൽ വരികയായിരുന്ന പറവൂർ സ്വദേശി അനീഷ്. തന്റെ ജീവൻ പോലും പണയപ്പെടുത്തി ബൈക്കിന്റെ വേഗത കൂട്ടി അനീഷ് ആ കാറിനൊപ്പം കുതിച്ചു. കുഞ്ഞ് റോഡിലേക്ക് വീഴുന്നതിന് തൊട്ടുമുൻപ്, ആ കുഞ്ഞു ജീവനെ അനീഷ് ചേർത്തുപിടിച്ചു.

തങ്ങളുടെ ഏക മകൾ സയാനയെ നെഞ്ചോട് ചേർക്കുമ്പോൾ മാള സ്വദേശികളായ നൗഷാദും റുഖ്സാനയും കരയുകയായിരുന്നു. ആ കണ്ണീരിൽ അനീഷിനോടുള്ള നന്ദി മുഴുവനുമുണ്ടായിരുന്നു. റോഡിലെ കുഴികളും തടസ്സങ്ങളും അപകടം വിതയ്ക്കുന്ന കയ്പമംഗലത്ത്, അനീഷിന്റെ ഈ ധീരത ഒരു വലിയ ദുരന്തമാണ് ഒഴിവാക്കിയത്.

ഈ ലോകത്ത് നന്മ ഇനിയും വറ്റിയിട്ടില്ലെന്ന് തെളിയിച്ച അനീഷിന് ഒരു വലിയ ബിഗ് സല്യൂട്ട് .സോഷ്യൽ മീഡിയ ഒന്നടങ്കം ഈ ധീരനായ യുവാവിനെ അഭിനന്ദനങ്ങൾ കൊണ്ട് മൂടുകയാണ്.

#