പ്ലാസ്റ്റിക് മാലിന്യം കുറയ്ക്കുന്നതിനായി പരിസ്ഥിതി സൗഹൃദ പേനയുമായി വിദ്യാർത്ഥി

പ്ലാസ്റ്റിക് മാലിന്യം കുറയ്ക്കുന്നതിനായി പരിസ്ഥിതി സൗഹൃദ പേനയുമായി വിദ്യാർത്ഥി. നിത്യോപയോഗ സാധനങ്ങൾ മൂലമുണ്ടാകുന്ന പ്ലാസ്റ്റിക് മാലിന്യങ്ങൾ കുറയ്ക്കുന്നതിനായി ലക്ഷ്യമിട്ട്, ഇടുക്കിയിൽ നിന്നുള്ള കോളേജ് വിദ്യാർത്ഥിനിയായ അമല ജോസ്, പെൻകാൻവാസ് എന്ന നൂതനമായ ഒരു ബയോഡീഗ്രേഡബിൾ പേനയാണ്  നിർമിച്ചത്. മൂലമറ്റം സെന്റ് ജോസഫ്സ് കോളേജിലെ മുൻ ബിസിനസ് മാനേജ്മെന്റ് വിദ്യാർത്ഥിനിയായ അമല പഠനകാലത്ത് ഈ ആശയം വികസിപ്പിച്ചെടുത്തു. കേരള സ്റ്റാർട്ടപ്പ് മിഷന്റെ റിസർച്ച് ഇന്നൊവേഷൻ നെറ്റ്‌വർക്ക് കേരള പ്ലാറ്റ്‌ഫോമിലൂടെ സംഘടിപ്പിച്ച വ്യവസായ സന്ദർശനങ്ങളും സെമിനാറുകളും ഉൾപ്പെടെ വിവിധ പരിപാടികളിലെ അമലയുടെ പങ്കാളിത്തം പരിസ്ഥിതി സൗഹാർദ്രത്തിന്റെ പ്രാധാന്യം മനസിലാക്കിത്തരുന്നതാണ്. 

കോളേജിലെ ഇൻകുബേഷൻ സെന്ററായ നോവേഷൻ നെക്സസ്, ഈ ആശയത്തെ ഒരു വിപണി-റെഡി ഉൽപ്പന്നമാക്കി മാറ്റുന്നതിൽ നിർണായക പങ്ക് വഹിച്ചു. സുസ്ഥിര നവീകരണത്തിനുള്ള സംഭാവനകൾക്ക് പെൻകാൻവാസ് ഇപ്പോൾ ശ്രദ്ധ നേടുകയാണ്. കാലാവസ്ഥാ വ്യതിയാനം, ആവാസവ്യവസ്ഥയുടെ തകർച്ച തുടങ്ങിയ സമ്മർദ്ദ ഘടകങ്ങൾക്കൊപ്പം പ്ലാസ്റ്റിക്കിന്റെ പാരിസ്ഥിതിക, സാമൂഹിക, സാമ്പത്തിക, ആരോഗ്യ അപകടസാധ്യതകളും വിലയിരുത്തണം. പ്ലാസ്റ്റിക് മലിനീകരണത്തിന്റെ വിനാശകരമായ ആഘാതം ലഘൂകരിക്കുന്നതിന് ഉടനടി നടപടി സ്വീകരിക്കേണ്ടത് നിർണായകമാണ്. ഈ ഘട്ടത്തിൽ ഇത്തരം ആശയങ്ങൾ പ്രോത്സാഹിക്കപ്പെടണം.