ഇന്ത്യ യുഎവി ലോഞ്ച്ഡ് പ്രിസിഷൻ ഗൈഡഡ് മിസൈൽ വി3 യുടെ പറക്കൽ പരീക്ഷണങ്ങൾ വിജയകരമായി നടത്തി

ഇന്ത്യ യുഎവി ലോഞ്ച്ഡ് പ്രിസിഷൻ ഗൈഡഡ് മിസൈൽ വി3 യുടെ പറക്കൽ പരീക്ഷണങ്ങൾ വിജയകരമായി നടത്തി. ആന്ധ്രാപ്രദേശിലെ കുർണൂലിലുള്ള ഒരു പരീക്ഷണ ശ്രേണിയായ നാഷണൽ ഓപ്പൺ ഏരിയ റേഞ്ചിലാണ് പരീക്ഷണങ്ങൾ നടത്തിയത്.  പ്രതിരോധ മന്ത്രി രാജ്‌നാഥ് സിംഗ് ടീമിനെ അഭിനന്ദിച്ചു, ഇന്ത്യൻ വ്യവസായം ഇപ്പോൾ നിർണായക പ്രതിരോധ സാങ്കേതികവിദ്യകൾ ഉൾക്കൊള്ളാനും ഉത്പാദിപ്പിക്കാനും തയ്യാറാണെന്ന് ഈ വിജയം തെളിയിക്കുന്നു,  ഇന്ത്യയുടെ പ്രതിരോധ ശേഷികൾക്ക് ഒരു വലിയ ഉത്തേജനം നൽകുന്നതാണ് പുതിയ പരീക്ഷണങ്ങൾ എന്നും അദ്ദേഹം കൂട്ടിച്ചേർത്തു. യുഎവി ലോഞ്ച്ഡ് പ്രിസിഷൻ ഗൈഡഡ് മിസൈൽ വി3 സിസ്റ്റത്തിന്റെ വികസനത്തിനും വിജയകരമായ പരീക്ഷണങ്ങൾക്കും ഡിആർഡിഒയ്ക്കും വ്യവസായ പങ്കാളികൾക്കും, ഡിസിപിപി-കൾക്കും, എംഎസ്എംഇ -കൾക്കും, സ്റ്റാർട്ടപ്പുകൾക്കും അദ്ദേഹം അഭിനന്ദനം അറിയിച്ചു. ഇന്ത്യൻ വ്യവസായം ഇപ്പോൾ നിർണായക പ്രതിരോധ സാങ്കേതികവിദ്യകൾ ഉൾക്കൊള്ളാനും നിർമ്മിക്കാനും തയ്യാറാണെന്ന് ഈ വിജയം തെളിയിക്കുന്നു.