അർജന്റീനയിൽ സ്വർണ്ണം, ചെമ്പ്, വെള്ളി എന്നിവയുടെ ലോകത്തിലെ ഏറ്റവും വലിയ ഖനനങ്ങൾ കണ്ടെത്തി

അർജന്റീനയിൽ സ്വർണ്ണം, ചെമ്പ്, വെള്ളി എന്നിവയുടെ ലോകത്തിലെ ഏറ്റവും വലിയ ഖനനങ്ങൾ കണ്ടെത്തി. അർജന്റീനയുടെ സാൻ ജുവാൻ പ്രവിശ്യയിലെ വിചുണ, ജോസ്മറിയ, ഫിലോ ഡെൽ സോൾ എന്നീ ഖനന മേഖലകളിൽ നടത്തിയ പഠനത്തിലാണ് ലോകത്തിലെ ഏറ്റവും വലിയ സ്വർണ്ണം, ചെമ്പ്, വെള്ളി എന്നിവയുടെ ഖനനങ്ങൾ കണ്ടെത്തിയതായി കാനഡയിലെ ലണ്ടിൻ മൈനിംഗ് കമ്പനി റിപ്പോർട്ട് ചെയ്തത്. ഈ കണ്ടെത്തൽ കഴിഞ്ഞ 30 വർഷത്തിനുള്ളിലെ ഏറ്റവും വലിയ ഖനന കണ്ടെത്തലായി വിലയിരുത്തപ്പെടുന്നു. പ്രാഥമിക കണക്കുകൾ പ്രകാരം, ഈ പ്രദേശങ്ങളിൽ 32 ദശലക്ഷം  സ്വർണ്ണം, 659 ദശലക്ഷം വെള്ളി, 13 ദശലക്ഷം ടൺ ചെമ്പ് എന്നിവ ലഭ്യമാകുമെന്ന് വിലയിരുത്തുന്നു. 

ഈ കണ്ടെത്തലുകൾ രാജ്യത്തിന്റെ സാമ്പത്തിക വളർച്ചക്കും വിദേശ നിക്ഷേപങ്ങൾക്കും വലിയ പ്രചോദനമായിരിക്കുകയാണ്. ലോക വിപണികളിൽ സ്വർണ്ണം, ചെമ്പ്, വെള്ളി എന്നിവയുടെ വില ഉയരുന്ന സാഹചര്യത്തിൽ, അർജന്റീന ഈ വിഭവങ്ങൾ ഉപയോഗിച്ച് ആഗോള വിപണിയിൽ കൂടുതൽ പങ്കാളിത്തം നേടാൻ സാധ്യതയുണ്ട്. സാമൂഹികവും പരിസ്ഥിതിയുമായി ബന്ധപ്പെട്ട ചർച്ചകൾ തുടരുന്നതിനിടെ, ഈ ഖനന മേഖലകൾ രാജ്യത്തിന്റെ സാമ്പത്തിക ഭാവി നിർണ്ണയിക്കുന്ന പ്രധാന ഘടകങ്ങളായി മാറുന്നു.